Թուրքական Bugün թերթի փոխանցմամբ՝ Թուրքիայի նախագահ Ռեջեփ Էրդողանի գլխավոր խորհրդական Շերեֆ Մալկոչը հայտարարել է, որ եթե ԱՄՆ-ը «Քրդստանի աշխատավորական» կուսակցության (PKK) «սիրիական թև» «Դեմոկրատական միություն» կուսակցությանը (PYD) չճանաչի որպես ահաբեկչական կազմակերպություն, ապա Թուրքիան կարող է ԱՄՆ ռազմաօդային ուժերի համար փակել «Ինջիրլիքի» ավիաբազան:
«ԱՄՆ-ը, PYD-ին չճանաչելով ահաբեկչական կազմակերպություն, անուղղակիորեն ցույց է տալիս, որ համաձայն է նրա գործունեության հետ։ Եթե ԱՄՆ-ը հիրավի Թուրքիայի ընկերն ու դաշնակիցն է, ապա նա պետք է PYD-ին ճանաչի որպես ահաբեկչական կազմակերպություն։
Առաջին համաշխարհային պատերազմի արդյունքներով սկսվեց իսլամական ու օսմանյան տարածքները մասնատելու գործընթացը, որը շարունակվում է ցայժմ։ Այժմ նրանք ցանկանում են մասնատել քրդերին։ Դրանից հետո գուցե կցանկանան մասնատել նաև Թուրքիան։ Դրա հետևում կանգնած են Ռուսաստանը, Իրանը։ Դժբախատաբար, մենք գիտենք, որ նրանց թվում կան նաև բարեկամական ու դաշնակից երկրներ»,- ասել է նա։
Սրանից առաջ Թուրքիայի իշխանությունները հայտարարել են, որ Անկարայի ահաբեկչությունը, որի հետևանքով զոհվեց 28 և վիրավորվեց 61 մարդ, «կազմակերպել և իրականացրել են» PYD-ն ու PKK-ն։
