ՀՀ էկոնոմիկայի նորանշանակ նախարար Վահրամ Ավանեսյանը համարվում է նախկին վարչապետ, սև խավիարասեր Արմեն Դարբինյանի «գերազանցիկների» կառավարության անդամներից մեկը, որը «Ավագ սոլյուշըն» ՍՊԸ-ի տնօրենն էր: «Ժողովուրդ»-ին հայտնի է դարձել, որ Ավանեսյանի գլխավորած կառույցը Երևանի ջրմուղ-կոյուղու վարձակալության որակի երաշխավորն էր:
Այս ՍՊԸ-ն ներկայացրել է մի հաշվետվություն, որը կարդացողը կարող է մտածել, թե Երևանի կոյուղին աշխարհում լավագույնն է, սակայն հենց ընկերության գործունեության պատճառով չեն կատարվել բազմաթիվ աշխատանքներ, մինչև այսօր մշակված չէ մայրաքաղաքի ջրահեռացման քարտեզը: Ասել է թե՝ օրեր շարունակ տեղացող անձրևի հետևանքով մայրաքաղաքի փողոցներում կուտակված ջրի համար պետք է պատասխանատվություն կրի նաև նորանշանակ նախարար Վահրամ Ավանեսյանը:
