Սառա Ջեսիկա Փարքերն արդեն 18 տարի ամուսնացած է թատրոնի հայտնի դերասան Մեթյու Բրոդերիկի հետ, դաստիարակում է 3 երեխա և երջանիկ է: Իր ամուր ամուսնության գաղտնիքներով դերասանուհին կիսվել է 7days.ru-ի հետ:
Նա ասել է, որ իրեն ամուսնու հետ նախ միավորում է այն, որ երկուսն էլ մեծացել են աղքատ ընտանիքում: «Ես միշտ գնահատել եմ այն, ինչ ստացել եմ կյանքից: Դրանով ես և Մեթյուն նման ենք: Նա նույնպես մեծացել է աղքատ ընտանիքում, և նրա համար դերասանական աշխատանքով փող վաստակելն անհավանական և անսպասելի շքեղություն է»:
Երկրորդ` Սառան և Մեթյուն հարգանքով են վերաբերվում մեկը մյուսի աշխատանքին: Բացի այդ, Սառան երբեք չի մրցել ամուսնու հետ: «Իհարկե, Մեթյուն ավելի տաղանդավոր է, քան ես: Ես դա հասկանում եմ, և երբեք չեմ փորձում մրցել նրա հետ: Դա մեր ամուսնության ևս մեկ գաղտնիքն է»:
Փարքերն ամուսնու ամենագլխավոր արժանիքներից է համարում այն, որ տնարար է և սիրում է ուտելիք պատրաստել: «Իմ բախտը բերել է, որ դա անում է Մեթյուն»,-ասել է նա և ավելացրել, որ իրենք մնում են ամուսիններ, քանի որ երկուսն էլ դա ուզում են:
