Իրանական Mehr լրատվական գործակալության փոխանցմամբ՝ Սաուդյան Արաբիան ի վիճակի չէ պատերազմել երկու ճակատով։ Այս մասին հայտարարել է Իրանի զինված ուժերի գլխավոր շտաբի պետի տեղակալ, բրիգադի գեներալ Մասուդ Ջազայերին՝ մեկնաբանելով Սիրիա զորքեր ուղարկելու պատրաստակամության մասին Սաուդյան Արաբիայի արած հայտարարությունը:
«Քանի դեռ Սաուդյան Արաբիան գտնվում է փակուղում, որում նա հայտնվել է Եմենի դեմ ռազմական ակտիվ գործողությունների պատճառով, նա ունակ չէ մեկ այլ պատերազմ վարել Սիրիայում։ Սաուդյան վարչակարգը ագրեսիվ ու ագահ քայլեր է ձեռնարկել աշխարհի միանգամից մի քանի հատվածներում և ներկայումս սեփական սահմանների ներսում բախվում է լուրջ մարտահրավերների ու լարվածության»,- նշել է նա։
