Microsoft-ի համահիմնադիր Փոլ Ալենի շքեղ զբոսանավի անձնակազմը Կարիբյան ծովի Կայմանյան կղզիներում խարսխի շղթայով ջախջախել է կորալյան խութը: Այս մասին հաղորդում է Reuters-ը՝ վկայակոչելով Կղզիների շրջակա միջավայրի պահպանության դեպարտամենտին:
Միջադեպը տեղի է ունեցել հունվարի սկզբին Մեծ Կայման կղզում՝ Վեսթ Բեյ ծովածոցում: M/V Tatoosh զբոսանավի խարսխի շղթան վնասել է կորալյան խութի 1.3 հազար ք/մ-ը կամ 80 տոկոսը:
Ալենի ներկայացուցիչը հայտնել է, որ անձնակազմը՝ իմանալով խութի ջախջախման վտանգավորության մասին, սեփական նախաձեռնությամբ զբոսանավը օպերատիվ կերպով այլ վայր է տեղափոխել: Այժմ միլիարդատիրոջը սպառնում է 600 հազար դոլար տուգանք:
