Հայոց բանակի կազմավորման 24-րդ տարեդարձի կապակցությամբ մի խումբ զինծառայողներ ՀՀ Նախագահ Սերժ Սարգսյանի կողմից հետմահու պարգևատրվել են արիության մեդալով: Պարգևները ստանալու համար հունվարի 27-ին ՀՀ նախագահական նստավայր էին հրավիրվել զոհված զինծառայողների ծնողները: Մեդալները հանձնելուց առաջ ՀՀ Նախագահ Սերժ Սարգսյանը ներկաներին առաջարկեց մեկ րոպե լռությամբ հարգել հայրենիքի սահմանների պաշտպանության ժամանակ զոհված զինծառայողների հիշատակը:
ՀՀ Նախագահի կողմից հետմահու արիության մեդալով պարգևատրվել են լեյտենենտ Գոռ Օհանյանը, լեյտենանտ Վարդան Վարդանյանը, կրտսեր սերժանտ Կարեն Գրիգորյանը, կրտսեր սերժանտ Ռոբերտ Մկրտչյանը, շարքայիններ Ռուբեն Ալեքսանյանը, Սիդար Ալոյանը, Աղասի Գրիգորյանը, Էդիկ Գրիգորյանը, Միքայել Թորոսյանը, Վահե Բալոյանը, Սուրեն Փիլոսյանը, Հովսեփ Անդրեսյանը, Կարեն Աքոլյանը, Հայկ Բարոյանը, Հարութ Հակոբյան, Շեքսպիր Հակոբյանը, Կարեն Հովհաննիսյանը, Կարեն Շահինյանը և Արամայիս Ոսկանյանը:
Հայոց բանակի կազմավորման 24-րդ տարեդարձի կապակցությամբ ՀՀ Նախագահ Սերժ Սարգսյանը մեդալներով պարգևատրել է նաև մի խումբ սպաների, ազատամարտկների, ժամկետային և պայմանագրային զինծառայողների:
