Եվրամիությունը սկսել է հետաքննել մարդու օրգանների անօրինական վաճառքը, որտեղ մասնավորապես կասկածվում է Կոսովոյի նախկին առողջապահության նախարար Ալյուշ Գասին:
Հետաքննությունը վերաբերում է 8 մարդու, որոնց կասկածում են «կազմակերպված հանցագործության, մարդկանց վաճառքի, մարմնական ծանր վնասվածքներ հասցնելու, ծառայողական դիրքը չարաշահելու և մեքենայությունների մեջ»: Այս մասին հաղորդում է սերբական «Վեստի» թերթը:
Ըստ հետաքննության տարբերակի՝ կասկածյալներն օգտագործել են իրենց ազդեցությունը՝ «Մեդիկուս» հիվանդանոցում երիկամների և այլ օրգանների 30 անօրինական փոխպատվաստումները թաքցնելու համար:
Ավելի վաղ, Կոսովոյում անօրինական փոխպատվաստմանն առնչություն ունեցող 5 բժիշկներ Եվրոպական դատարանի կողմից դատապարտվել էին մինչև 8 տարվա ազատազրկման:
