Նյու Յորքի բնակիչ Ելիել Սանթոսին կարելի է պրոֆեսիոնալ ձկնորս համարել: Նա շատ լավ է կառավարում կարթը՝ որսալով ոչ թե ձկների, այլ ցանցից այն կողմ ընկած իրերը: Այս մասին հաղորդում է New York Post-ը:
Սանթոսը փոխել է «մասնագիտությունը» 8 տարի առաջ, երբ օգնել է անծանոթ տղամարդուն գտնել բանալիները և վարձատրվել է:
«Երբ պարզվեց, որ անծանոթը ցանկանում է վերցնել ցանցից այն կողմ ընկած բանալիները, սակայն չգիտի, թե ինչպես, որոշեցի օգնել նրան: Ես վազեցի մոտակա խանութ, որտեղ հեղուկ սոսինձ գնեցի: Հետո ես քարը պատեցի սոսնձով, դրան պարան կապեցի, և թակարդը պատրաստ էր: Ես այդ, այսպես ասած, սարքավորումն իջեցրեցի 15 ֆուտ (4.5 մ), իսկ հետո դուրս հանեցի բանալիների հետ միասին: Այդ մարդը շատ ուրախացավ և ինձ 50 դոլար տվեց: Այդ ժամանակ ես մտածեցի, որ արժե նման կերպ գումար վաստակել»,- ասել է Սանթոսը:
Սանթոսն այժմ սկսել է ատամնաթել օգտագործել, քանի որ այն ավելի հարմարավետ և էժան է:
Իր ուսապարկում նա պահում է փոքրի ձկնորսական կեռիկներ, սոսինձ՝ խոշոր և ծանր առարկաների համար, ինչպես նաև ավանդական կեռիկներ՝ զարդերի համար:
