Նյու Յորքի Չինաստանի թանգարանում բացվել են 2 ցուցադրություններ՝ նվիրված ասիական նորաձևությանը, հայտնում է korrespondent.net-ը:
Առաջինը ցույց է տալիս արևմտյան զգեստի ազդեցությունը 1910-1940-ականների շանհայյան նորաձևության վրա, մյուսը կենտրոնացած է վերջին 3 տասնամյակների դիզայներների վրա, որոնք դարձել են նորաձևության աստղեր ինչպես ԱՄՆ-ում, այնպես էլ Չինաստանում:
«Առաջին շարք» խորագրով ցուցադրությանը ներկայացված են չինացի և ամերիկացի դիզայներների աշխատանքները, մասնավորապես՝ Վերա Վոնգի հարսանեկան կարմիր զգեստը, որը պրովոկացիոն է հարսանեկան արարողության համար, սակայն ավանդական՝ Չինաստանի համար, Ջեյսոն Վուի մուգ կապույտ զգեստը՝ ոգեշնչված լուսանկարիչ Հելմուտ Նյուտոնից, ինչպես նաև իրեր՝ ստեղծված Opening Ceremony-ի դիզայներներ Ումբերտո Լեոնի ու Քերոլ Լիմի կողմից՝ համագործակցությամբ Timberland բրենդից Ռոբերտ Քլերջերիի ու այլոց:
