Ամբեր Հերդն արդեն ճակատագրական կնոջ համբավ ունի, քանի որ կարողացել ընտանիքից «գողանալ» օրինակելի ամուսին Ջոնի Դեպին: Սակայն կես տարի անց, չհամակերպվելով Դեպի բռնկվող բնավորության և քմահաճույքների հետ, հեռացել է ֆրանսիացի մոդել Մարի դե Վիլպենի մոտ: Շատ հայտնի աստղեր չեն ամաչում հայտարարել իրենց բիսեքսուալ լինելու մասին: Այս մասին գրում է WDay.ru-ն:
Այժմ Անջելինա Ջոլին վեց երեխաների օրինակելի մայր և իդեալական կին է: Սակայն նախկինում դերասանուհին աչքի էր ընկնում բիսեքսուալ կապերով, մասնավորապես՝ մոդել և լուսանկարիչ Ջեննի Շիմիցուի հետ հարաբերություններով: Հնարավոր է, հենց այդ պատճառով էլ Ջոլին հրաժարվում է ամուսնանալ Բրեդ Փիթի հետ, մինչև որ ԱՄՆ-ում կօրինականացնեն միասեռ ամուսնությունները:
«Ես լեսբուհի չեմ: Ես սիրում եմ բոլոր մարդկանց՝ անկախ նրանց սեռից»,– խոստովանել է Լինդսի Լոհանը: Դերասանուհին երկար ժամանակ հանդիպել է դիջեյ Սամանտա Ռոնսոնի հետ և 2008 թ. նույնիսկ խոսել է հարսանիքի մասին, սակայն հետագայում այս զույգը բաժանվել է: Լինդսիին նկատել են շատ աղջիկների ընկերակցությամբ, սակայն լուրջ հարաբերություններ նրանց հետ դերասանուհին չի ունեցել:
«Ես բիսեքսուալ եմ և աղջիկների հետ հարաբերություններ եմ ունեցել: Սակայն արդյունքում ընտրել եմ աշխարհի լավագույն տղամարդուն»,– խոստովանում է Մեգան Ֆոքսը, որ ամուսնացած է Բրայան Օսթին Գրինի հետ:
Նելլի Ֆուրտադոն չի թաքցնում, որ պատրաստ է սեքսուալ փորձարկումների: «Կնոջ մարմինն ինձ այնքան է դուր գալիս, որքան տղամարդունը: Ես կարծում եմ, որ բոլոր մարդիկ էլ իրենց բնությամբ բիսեքսուալ են»,– ասել է կանադացի երգչուհին:
Ֆերգին խոստովանել է, որ աղջիկների հետ սեռական հարաբերություններ է ունեցել, սակայն երբեք նրանց որպես կյանքի ուղեկիցներ չի ընկալել: Այժմ նա ամուսնացած է և երկվորյակների է սպասում:
«Ես դեմ չեմ կանանց հետ հարաբերություններին: Ճիշտ է, ոչ բոլոր տղամարդիկ են դա ընդունում: Նրանց վախեցնում է իմ բիսեքսուալությունը»,– անկեղծորեն խոստովանել է Լեդի Գագան: Կարծես, Թեյլոր Քինին համակերպվել է երգչուհու տարօրինակությունների հետ, և նրանք պատրաստվում են ամուսնանալ:
«Կանանց միջև ընկերությունը կարող է ավելի մեծ բանի վերածվել: Իմ անկողնում շատ կանայք են եղել, սակայն ընտանիք ես կարող եմ կազմել միայն տղամարդու հետ»,– խոստովանել է Դրյու Բերիմորը: Եվ իրոք, դերասանուհին «խելքի է եկել» և ամուսնացել է Ուիլ Քոփելմանի հետ:
Դատելով ամեն ինչից՝ Մելանի Բրաունը պատահմամբ չի ընտրել Մել Բի կեղծանունը, քանի որ նա հարաբերություններ ունի միանգամից մի քանի աղջիկների հետ: Դա չի խանգարել Spice Girls-ի նախկին անդամին երկու անգամ աուսնանալ և երեք երեխաներ ունենալ:
