Ազգային անվտանգության կողմից, երեկ վնասազերծված հանցախմբի տաս անդամներից երեքն Արմավիրի մարզի Արևիկ գյուղի բնակիչներ են։ Հարազատների և գյուղապետի պնդմամբ՝ երբեք աչքի չեն ընկել արտասովոր պահվածքով և կասկածելի գործունեությամբ։
Արթուր Եղիազարյանի, Վաղինակ Ստեփանյանի և Ավետիս Բարոյանի հարազատները նշում են՝ տանից սկսել են հաճախակի բացակայել այս տարվա սեպտեմբեր ամսվանից սկսած։
Արթուր Եղիազարյանի հայրը՝ Զորիկ Եղիազարյանը մեզ հետ զրույցում նշեց, որ տեղյակ է եղել, որ որդին վերջին շրջանում ժամանակ առ ժամանակ գիշերում է Նորք Մարաշում վարձակալած տանը։ Արթուրը հորը պատմել է, որ այդ տանը պահում են գյուղամթերք, որն արտահանում են Մոսկվա։
Զորիկ Եղիազարյանը պատմեց նաև, որ գարնանն իրենց տանը հյուրընկակել են նաև Արթուր Վարդանյանին։ Եկել էր Ռուսաստան գյուղմթերք արտահանելու վերաբերյալ իր որդու հետ պայմանավորվածություններ ձեռք բերելու։
Վերջին անգամ Արթուր Եղիազարյանը հորն ասել է, թե ևս երեք գիշեր կմնա Նորք Մարաշի վարձակալած տանը, այնուհետև կվերադառնա տուն։
Զորիկ Եղիազարյանը հավաստիացնում է՝ որդին քաղաքական անցուդարձով չի հետաքրքվել։
Արթուր Եղիազարյանը հորը պատմելէ, թե վարձայակալած տանը մի դուռ կա, որ իրեն կասկածելի է թվում, հետագայում՝ Զորիկ Եղիազարյանը հեռուստացույցով տեսել է, որ հենց որդու նկարագրած այդ կասկածելի դռից են հանել պահվող զենքն ու զինամթերքը։
Վաղինակ Ստեփանյանի մայրը՝ Շարմաղ Ստեփանյանը պատմում է՝ որդին, ղարաբաղյան պատերազմի մասնակից է եղել, երկու անգամ վիրահատվել է։ Տանից բացակայելը հիմնավորել է Ղարաբաղ մեկնելով։ Վաղինակի կինը՝ Մելինե Ստեփանյանը նշում է՝ ձերբակալվածներից ոչ մեկին իր ամուսինը չի ճանաչել։
Շարմաղ Ստեփանյանը հավաստիացնում է՝ որդին չէր կարող ահաբեկչության մասնակից լիներ։
Ավետիս Բարոյանի կինը՝ Քրիստինե Արշակյանը պատմում է՝ ամուսինը վերջին 20 օրվա ըթնացքում տուն չի եկել։ Վաղինակ Ստեփանյանը բոլորովին այլ պատճառաբանությամբ է հիմնավորել տնից իր բացակայությունը։
Մայրը՝ Փառանձեմ Մարգարյանը միանշանակ հավատում է որդու անմեղությանը։
Արևիկ գյուղի գյուղապետ Գառնիկ Ծատուրյանը նշում է՝ անձամբ ճանաչել է երեք ձերբակալվածներին, մշտապես աչքի են ընկել նորմալ պահվածքով։ Ծատուրյանը նշեց, որ Արթուր Վարդանյանն իրենց գյուղ այցելել է մի քանի անգամ, սակայն կասկածելի ոչինչ ոչ ոք չի նկատել։
