ՕԵԿ խմբակցության պատգամավոր Մհեր Շահգելդյանն իր ելույթում, անդրադառնալով վիճակագրական ուսումնասիրություններին և հետազոտություններին՝ ուշադրություն հրավիրեց կիրառված մեթոդաբանության վրա և մատնանշեց մի քանի խնդիրներ՝ նշելով. «Խնդիր 1-ին՝ արդյո՞ք այն մեթոդաբանությունը, որ կիրառվում է, համապատասխանում է մեր իրականությանը: Կոնկրետ սոցիոլոգիական հետազոտությունները միշտ չէ, որ կիրառելի են բոլոր տիպի երկրներում: Արևմտյան երկրներում մշակված մեթոդաբանությունը հաճախ մեզ մոտ ուղղակիորեն, առանց ադապտացնելու կիրառումը չի տալիս այն արդյունքները և այն հավաստի տեղեկությունները, որոնք անհրաժեշտ են:
Խնդիր երկրորդ՝ հասարակության կազմը և մտածելակերպը տարբեր են, և այս տեսանկյունից՝ ստանդարտները բերել և ուղղակիորեն կիրառել ՀՀ-ում՝ առանց ադապտացնելու, կարող են տալ ոչ դրական արդյունքներ: Անհրաժեշտ է ադապտացում և առավելագույն ճշմարտացիություն:
Բազմաթիվ ուսումնասիրություններ ցույց են տալիս, որ տարիքային տեսանկյունից, ինչպես նաև սեռային հարաբերակցության տեսանկունից, լրջագույն խնդիր ունենք, ԱՊՀ-ում մենք առավել արագ ծերացող հասարակությունն ենք, այս խնդիրն ինչո՞ւ չի դիտարկվում»:
Մանրամասները՝ տեսանյութում:
