Լոս Անջելեսում՝ Microsoft Theatre-ի բեմահարթակում, տեղի է ունեցել American Music Awards (AMA) երաժշտական մրցանակների բաշխման 43-րդ արարողությունը։ Մրցանակը, որը երբևէ մտածվել է որպես «Գրեմմիի» այլընտրանք, այդպես էլ չի կարողացել իրական մրցակցության հասնել։ Այն արտացոլում է ոչ թե ակադեմիկոսների ճաշակը, այլ հասարակ երաժշտասերների, ովքեր էլ քվեարկությամբ ընտրում են հաղթողներին։
Այս տարի «Տարվա արտիստ» է ճանաչվել One Direction խումբը։ Դա երկրորդ անընդմեջ հաղթանակն է այդ անվանակարգում։ Այն հաղթել է նաև «լավագույն փոփ կամ ռոք խումբ կամ դուետ» անվանակարգում։
Մրցանակաբաշխության այլ հաղթողների թվում են Էդ Շիրանը (փոփ կամ ռոք երգիչ), Արիանա Գրանդեն (փոփ կամ ռոք երգչուհի), Ռիհաննան (սոուլ կամ R&B երգչուհի)։ Թեյլոր Սվիֆթը հաղթել է երեք անվանակարգում. «1989» ձայնասկավառակը տարվա լավագույն ռոք կամ փոփ ալբոմ է ճանաչվել, երկրորդ մցրանակը նա ստացել է անձանբ որպես լավագույն մեծահասակ արտիստ, և երրորդ մրցանակը տրամադրվել է Blank Space սինգլի համար։
Արարողության ժամանակ անդրադարձ է եղել Փարիզի ահաբեկչություններին։ Ջարեդ Լետոն ընթերցել է ֆրանսիացի լրագրող Անտուան Լեյրիսի նամակը, որը «Բատակլան» թատրոնի վրա կատարված հարձակման ժամանակ կորցրել է կնոջը, իսկ Սելին Դիոնը կատարել է երգ Էդիտ Պաֆի երգացանկից՝ «Hymne ? l’amour»։
