Եվրոպայի խորհրդի Խորհրդարանական վեհաժողովի ձմեռային նստաշրջանում այսօր՝ նոյեմբերի 23-ին քննարկվելու է «Ադրբեջանի սահմանամերձ շրջանները միտումնավոր զրկված են ջրից» անվանումով զեկույցը, որը վերաբերում է ԼՂՀ Սարսանգի ջրամբարին:
«Բռնության աճը ԼՂ-ում և Ադրբեջանի մյուս գրավյալ տարածքներում» Ուոլթերի բանաձևի արդեն ընդունված նախագիծն ու հետևաբար հայկական պատվիրակության պարտությունը, ըստ ՀԱԿ խմբակցության ղեկավարի, ամբողջությամբ իշխանության մեղքն է, քանի որ պատվիրակության անդամներն ուղղորդվում են իշխանության ցուցումներով, մասնավորապես՝ արտգործնախարարության մշակած ռազմավարությամբ. «Եթե իշխանության մշակած պլանը ձախողվում է, ապա միակ մեղավորն իշխանությունն է»:
Լ. Զուրաբյանը նշեց, որ մեր պատվիրակությունը իշխանությունների թելադրանքով ընտրել է այնպիսի պլան, ըստ որի՝ պետք է մերժեին զեկույցը և աշխատեին, որ այն ընդհանրապես հանվեր օրակարգից: Մինչդեռ, ըստ Լ. Զուրաբյանի, պետք է աշխատեին զեկուցողին և զեկույցը փոխելու ուղղությամբ:
«Մեր պարտությունը կոնցեպտուալ, ստրատեգիական սխալների հետևանք է, և այդ սխալները շարունակվում են: Եթե մենք չզբաղվենք ներքին աուդիտորիայում միավորներ շահելու անիմաստ, նույնիսկ վնասակար գործունեությամբ, այլ աշխատենք ոչ թե մեր իմիջի, այլ արդյունքերի վրա, կհասնենք մեծագույն հաղթանակների,- նշեց ՀԱԿ ղեկավարը և հավելեց, որ նոյեմբերի 23-ին քննարկվելիք զեկույցի վերաբերյալ ինքն առաջարկել է ԱԺ-ում փակ լսումներ անցկացնել, և իշխանությունը չի արձագանքել. «Իսկ պատվիրակության ղեկավարը՝ հղում կատարելով պատվիրակության մեծամասնությանը, մերժեց իմ առաջարկները»:
Մանրամասները՝ տեսանյութում:
