Անցած տարի Վազգեն Սարգսյանի անվան ռազմական ինստիտուտում առանձնակի դաժանությամբ սպանված կուրսանտ Հայկազ Բարսեղյանի դատական նիստն այսօր մեկնարկեց լարված մթնոլորտում։ Դատական նիստի մեկնարկից անմիջապես հետո, երբ նիստերի դահլիճ բերվեցին ամբաստանյալները սպանված կուրսանտի հարազատները բղավոցներով փորձեցին հարձակվել նրանց վրա: Կարգադրիչները ստիպված եղան ամբաստանյալներին հեռացնել նիստերի դահլիճից։
Դատական նիստը, սակայն, չսկսած հետաձգվեց։ Ազատության մեջ գտնվող ամբաստանյալներից մեկը և երկու պաշտպան առանց պատճառաբանության չէին ներկայացել դատական նիստին և դատավոր Դավիթ Հարությունյանը աննպատակահարմար համարեց նրանց բացակայությամբ շարունակել նիստը։ Դատական նիստի ավարտից անմիջապես հետո վատացավ սպանված կլուրսանտի մոր ինքնազգացողությունը։ Նա ուշագանց եղավ հենց նիստերի դահլիճում, ինչի համար շտապօգնության բրիգադ հրավիրվեց դատարան։
Երբ կրքերը հանդարտվեցին, Հայկազ Բարսեղյանի հայրը՝ Արկադի Բարսեղյանը լրագրողների հետ զրույցում նշեց, որ գոհ է նախաքննության ընթացքից, մնում է դատարանն արդարադատություն իրականացնի։
Առավել մանրամասն՝ տեսանյութում
