Հայաստանում Ֆրանսիայի դեսպանությունում նոյեմբերի 16-ին` ժամը 14:00-ից մինչև նոյեմբերի 18-ը ժամը 17:00-ն բացվել է ցավակցությունների գիրք:
Այսօր ՀՀ-ում Ֆրանսիայի դեսպան Ժան-Ֆրանսուա Շարպանտիեին իր երախտագիտությունն է հայտնել հայ Ժողովրդին.
«Շնորհակալությունս հայտնելով բոլորին՝ կին, տղամարդ, պաշտոնյա… բոլոր անցորդներին, ովքեր իրենց ցավակցական խոսքն ուղղեցին ֆրանսիացիներին:
Երախտագիտությունս եմ հայտնում նաև ՀՀ նախագահին, որն իր ելույթում անդրադարձավ Ֆրանսիայում կատարված իրադարձություններին: ՀՀ նախագահի նախաձեռնությամբ և ՀՀ արտգործնախարարի և Երևանի քաղաքապետ Տարոն Մարգարյանի ուղեկցությամբ շաբաթ օրը Ֆրանսիայի հրապարակում՝ Ռոդենի արձանի հարևանությամբ, կազմակերպվեց միջոցառում՝ հարգանքի տուրք մատուցանելու զոհերի հիշատակին:
Մանավանդ չեմ կարող չհիշատակել Նորին ս. Օծություն Ամենայն Հայոց Կաթողիկոսին, որի նախաձեռնությամբ երեկ ռեքվիեմ հնչեցվեց՝ ի հիշատակ այս եղեռնագործության զոհերի: Բոլոր ֆրանսիացիները շոյված են: Բացի այս երախտիքի խոսքերից, շնորհակալությունից՝ մեկ այլ ուղերձ եմ ուզում փոխանցել Ձեզ, դա հուսո ուղերձն է: Ոչ մեկը չի կարող անմասն մնալ տեռորիզմից, սա մեզ՝ բոլորիս է վերաբերում: Բոլորովին վերջերս, մանավանդ վերջին ամիսների ընթացքում ահաբեկչության ալիքը հարվածել է բազում երկրների, ես առաջին հերթին նկատի ունեմ վերջերս Լիբանանում, Ռուսաստանում Եգիպտոսում տեղի ունեցած իրադարձությունները, էլի շատ ու շատ երկրներում:
Նմանատիպ համերաշխության դրսևորումը ևս մեկ անգամ ցույց է տալիս, թե որքան է համակ ողջ մարդկությունը՝ համախմբվելու նման բարբարոսության, վայրագության դեմ: Եվ ինչու եմ սա ասում. որովհետև խորապես համոզված եմ, որ ճիշտ այնպես, ինչպես ֆրանսիան, համայն մարդկությունը ևս նույն չափով վճռականորեն է տրամադրված միով բանիվ պայքար մղելու նմանատիպ աղետի դեմ և պատրաստակամություն դրսևորելու ձեռնարկել այնպիսի միջոցառումներ, որոնք համապատասխանելու են արդեն սպառնալիքին, որից ոչ ոք անմասն չի մնացել:
Ահավասիկ այս պահի դրությամբ սա այն էր, ինչ ուզում էի տրամադրել ձեզ՝ լրագրողներիդ, մյուսը դուք տեսել եք, լսել եք: Ֆրանսիայում արդեն սկսվել է հետաքննություն, իմիջիայլոց նաև Բելգիայում և ԵՄ մի շարք այլ երկրներում: Բացի ձեզ հայտնի իրադարձությունների ժամանակ ոչնչացված, սպանված 8 ահաբեկիչներից՝ հետքննության արդյունքում բացահայտվել է ևս 5 հոգի Ֆրանսիայի տարածքում, ևս 1 հոգի՝ Բելգիայում: Մի բան ակնհայտորեն պարզ է, որ հնարավոր բոլոր միջոցները պետք է ձեռնարկվեն, որպեսզի այս իրադարձությունները հավուր պատշաճի լուսաբավեն, պարզաբանումներ արվեն և ամենակարևորը՝ որպեսզի արդարադատությունը, որպես այդպիսին, կայանա»:
