Ազգային ժողովի պետաիրավական հանձնաժողովի այսօրվա նիստի ժամանակ քննարկվեց ԱԺ անկախ պատգամավոր Էդմոն Մարուքյանի ներկայացրած օրենսդրական նախաձեռնությունը:
Վերջինս առաջարկում է ՀՀ քրեական օրենսգրքի 301-րդ հոդվածը շարադրել նոր խմբագրությամբ, այն է` պատասխանատվություն սահմանել իշխանությունը զավթելու, տարածքային ամբողջականությունը խախտելու կամ սահմանադրական կարգը բռնի տապալելուն ուղղված հրապարակային կոչերի, Հայաստանի Հանրապետության ինքնիշխանության կամ տարածքային ամբողջականության դեմ արված հրապարակային հայտարարության կամ կոչի համար:
Նախագիծը քննարկվեց բավական բուռն մթնոլորտում, և հանձնաժողովի բոլոր անդամները քննադատեցին այն՝ որակվելով որպես ազատ խոսքի արտահայտման սահմանափակում:
Նախագիծը դրվեց քվեարկության ու մերժվեց գրեթե միաձայն. կողմ քվեարկեց միայն նախագծի հեղինակը՝ Էդմոն Մարուքյանը:
