Մեքսիկայի Կոաուիլա նահանգում մեծամասշտաբ գործողության ընթացքում հինգշաբթի օրը ձերբակալվել է Կենտրոնական Ամերիկայի և Նեպալի մոտ 130 անօրինական ներգաղթյալ՝ հայտնում են տեղի իշխանությունները:
Ոստիկանությունը ԱՄՆ-ի ուղղությամբ ընթացող բեռնատարում ձերբակալել է 79 անօրինական ներգաղթյալի: Ձերբակալվել է նաև բեռնատարի վարորդը՝ մարդկանց անօրինական տեղափոխման բիզնեսին մասնակցություն ունենալու կասկածանքով: Այս մասին հայտնում է RIA Novosti-ն:
Մեկ այլ ճանապարհի կալանել են ևս 3 բեռնատար՝ 50 անօրինական ներգաղթյալներով: Ոստիկանությանը նրանք հաղորդել են, որ իրենցից յուրաքանչյուրը վճարել է 6000 դոլար՝ ամերիկյան սահմանի մոտ հասնելու համար: Ձերբակալվածների մեջ կա շուրջ 50 երեխա:
Ներկայումս Մեքսիկայում զարգացած է Կենտրոնական Ամերիկայի երկրներից մարդկանց ԱՄՆ սահմանի մոտ հասցնելու անօրինական բիզնեսը: Յուրաքանչյուր ցանկացողից նրանք վերցնում են մի քանի հազար դոլար, սակայն ճանապարհի ոչ մի հարմարություն չեն ստեղծում, ինչպես նաև չեն երաշխավորում սահմանն անցնելու հնարավորությունը:
