Փոքր տարաներով շշալցված քաղցր, գազավորված ըմպելիքները ավելի են նպաստում դրանց օգտագործմանը, քան մեծ տարաներով շշալցվածները: Նման եզրակացության են եկել ԱՄՆ գիտնականները, որոնց աշխատանքը հրապարակված է PLOS ONE ամսագրում:
Կալիֆոռնիայի Սան Դիեգոյի համալսարանից Բրենթ Ուիլսոնն ու նրա գործընկերները ուսումնասիրել են գազավորված ըմպելիքների տարբեր տարաներից ստացած ազդեցությունը մարդկանց վրա՝ կամավորներին առաջարկելով 3 տիպի տարաներով ըմպելիքներ:
Երբ մասնակիցները կատարել են իրենց ընտրությունն այնպես, ինչպես կանեին ֆասթ-ֆուդի ռեստորանում, նրանք գնել են ավելի շատ գազավորված ըմպելիքներ՝ ընտրելով 360 և 480 միլիլիտրանոց տարաներով ըմպելիքներ:
Եթե նրանք հնարավորություն ունենային ընտրելու առանձին շիշ կամ տարա, ապա կխմեին ավելի քիչ քաղցր ըմպելիք:
Հետազոտության հեղինակները ենթադրում են, որ շաքար պարունակող ըմպելիքների տարաների սահմանափակումը կարող է հակառակ ազդեցությունն ունենալ, քանի որ բիզնեսի ներկայացուցիչները նախընտրում են իրենց հաճախորդներին առաջարկել մի քանի շշից բաղկացած փաթեթավորումներ՝ ծախսերն ավելացնելու նպատակով:
