Թուրքիայի դատարանը լրատվամիջոցներին արգելել է մայրաքաղաքում տեղի ունեցած ահաբեկչության մասին տեղեկատվություն հրապարակելը, հայտնում է Hurriyet-ը:
Դատարանի որոշման համաձայն՝ արգելքը վերաբերվում է «նորությունների բոլոր տեսակներին, հարցազրույցներին, քննադատական ու նմանատիպ հրապարակումներին` տպված, հեռուստատեսությամբ, ռադիոյով, բոլոր տեսակի համացանցային ԶԼՄ-ներով և սոցիալական ցանցերով»:
Որոշումն ուժի մեջ է մտնում «անիմջապես», որի մասին պաշտոնապես տեղեկացվել են բոլոր թուրքական ԶԼՄ-ները:
Ավելի վաղ հայտնի էր դարձել, որ ահաբեկչությունից անմիջապես հետո Twitter-ն ու Facebook-ն Անկարայում դարձել էին անհասանելի:
