Իրանական IRINN պետական հեռուստատեսության փոխանցմամբ՝ Իրանի պաշտպանության նախարարությունը գործարկել է «խելացի տորպեդի» արտադրություն։ Արտադրանքի թողարկման արարողությանը ներկա է եղել երկրի պաշտպանության նախարար, բրիգադի գեներալ Հոսեին Դեհգհանը։
Նրա խոսքերով՝ Valfajr «խելացի տորպեդը» ունի ինտելեկտուալ համակարգ, որը մշակել են իրանցի մասնագետները։ Դեհգհանը հավելել է, որ տորպեդն ունի մեծ արագություն ու կործանարար մեծ ուժ. «Տորպեդը կարող է մի քանի վայրկյանում ոչնչացնել ծովային տարբեր թիրախներ, այդ թվում նաև՝ խոշոր նավեր»։
Valfajr տորպեդի նախագծման աշխատանքները մեկնարկել են 2011 թվականին, այն հագեցած է 220 կիլոգրամանոց մարտագլխիկով և կարող է օգտագործվել ծանր նավերի ոչնչացման համար։
