Ռուսական TASS լրատվական գործակալության փոխանցմամբ՝ Փարիզում և Ֆրանսիայի մի շարք այլ խոշոր քաղաքներում անցկացվել են բողոքի զանգվածային ակցիաներ՝ ընդդեմ Թուրքիայի կառավարության քաղաքականության։
Դրանց կազմակերպիչները քրդական համայնքի ակտիվիստներն են, որոնք փողոց են դուրս եկել՝ դատապարտելու համար Էրդողանի կառավարության ռազմական կուրսը։ Գլխավոր ցույցն անցկացվել է Ֆրանսիայի մայրաքաղաքի կենտրոնում, ուր անցկացվել է նաև երթ։
Ցուցարարներն իրենց հետ կրել են չճանաչված Քրդստանի դրոշն ու քրդական քաղաքական տարբեր կուսակցությունների ու միավորումների դրոշներ։ Նրանց պաստառներում նշված կարգախոսները կտրուկ մեղադրանքներ են հնչել Թուրքիայի նախագահ Ռեջեփ Էրդողանի նկատմամբ։
Ցուցարարները Անկարայի ահաբեկչության պատասխանատվությունը դրել են հենց Էրդողանի վրա, որի հետևանքով զոհվել է առնվազն 95 մարդ։ Փարիզից բացի՝ քուրդ ակտիվիստները բողոքի ակցիաներ են անցկացրել նաև Լիոնում ու Թուլուզում, ինչպես նաև Մարսելում, Ռեննում ու Ստրասբուրգում։
