Կոալիցիան ԱՄՆ-ի գլխավորությամբ կակտիվացնի Սիրիայում ԴԱԻՇ-ի դեմ ռազմական գործողությունները: Այդ մասին հաղորդում է The New York Times-ը:
Ըստ պարբերականի տեղեկատվության՝ ԱՄՆ-ը և նրա դաշնակիցները սկսել են «նախապատրաստվել այն բանին, որ Սիրիայի հյուսիս-արևելքում մեծամասշտաբ ճակատ բացեն Ռաքայի վրա ճնշում գործադրելու նպատակով, որը փաստորեն հանդիսանում է խմբավորման «մայրաքաղաքը»:
«Նախագահ Օբաման մոտակա շաբաթներում օպերացիան սկսելու համար անցյալ շաբաթ 2 կարևոր քայլ է կատարել… Նա առաջին անգամ Պենտագոնին հրաման տվեց ուղղակիորեն զինամթերքով, և հնարավոր է նաև որոշ զենքերով ապահովել սիրիական ընդդիմության ուժերին: Բացի այդ, նա հավանություն տվեց Թուրքիայի ռազմաբազայից ռազմական կամպանիայի ակտիվացման գաղափարին, չնայած որոշ կարևոր մասեր դեռևս կարիք ունեն մշակման», – մեջբերում է պարբերականը:
Նմանատիպ միջոցառումները ուղղված են ԴԱԻՇ-ի զինյալներին Ռաքայից դուրս մղելուն: ԱՄՆ-ի և նրա դաշնակիցների նոր կամպանիան կանցկացվի Սիրիայում կատարվող Ռուսաստանի ռազմական ավիացիայի գործողություններից նշանակալի հեռավորության վրա:
