Welt am Sonntag թերթի փոխանցմամբ՝ Թուրքիայի քաղաքացիները 2017 թվականից կարող են առանց վիզաների մուտք գործել ԵՄ, եթե Անկարան հաստատի սահմանային վերահսկողություն ու սկսի տալ կենսաչափական անձնագրեր։ Այդ մասին հայտարարել է ԵՄ-ի ընդլայնման ու հարևանության քաղաքականության հարցերով հանձնակատար Յոհաննես Հահնը։
Նրա խոսքերով՝ եթե Թուրքիան կատարի անհրաժեշտ բոլոր պայմանները, ապա նրա քաղաքացիները երկու տարի անց կկարողանան առանց վիզայի մուտք գործել Շենգենյան գոտու երկրներ։ Հահնը հավելել է, որ դրան հասնելու համար Թուրքիան պետք է ԵՄ-ի հետ համագործակցի մուտքի համար կեղծ փաստաթղթերի բացահայտման գործով։
