Հնդկաստանում գրեթե ամեն շաբաթ տեղի ունեցող բռնաբարությունների մասին սարսափելի լուրերի ֆոնին արևմտյան լրագրողները պատմում են մի «շվեդահնդկական» ընտանիքի մասին, որի կազմի մեջ մտնում է մեկ կին ու հինգ տղամարդ: Առանց որևէ վեճի հինգ եղբայրները կիսում են մեկ կնոջ։ Այս մասին հաղորդում է Daily Mail-ը:
21-ամյա Ռաջո Վերման ապերում է հինգ տղամարդկանց հետ մեկ ընտանիքում: Յուրաքանչյուր երեկո նա փոխում է զուգընկերոջը, սակայն նրանցից ոչ մեկը չի խանդում կնոջը մյուսների նկատմամբ: Կինը երեխա ունի, ով շուտով 1,5 տարեկան կդառնա, սակայն մինչ օրս նա չգիտի, թե հինգ ամուսիններից որն է նրա հայրը։ Այս իրավիճակը տարօրինակ կթվա Արևմուտքի ցանկացած բնակչի, սակայն Դեհրադուն գյուղում առաջին ամուսնու եղբայրների հետ ամուսնանալու սովորույթը դարավոր արմատներ ունի:
Ռաջոն ու նրա ընտրյալ Գուդուն չորս տարի առաջ ամուսնացել են բոլոր հնդկական ավանդույթների համաձայն: Այդ ժամանակվանից աղջիկը հասցրել է ամուսնանալ 32-ամյա Բայդջուի, 28-ամյա Սանտ Ռամայի, 26-ամյա Գոպալի և 19-ամյա Դինեշի հետ: Վերջինս ամուսնացել է Ռաջոյի հետ, հենց լրացել է նրա 18 տարին: Աղջկա հինգ ամուսինների խոսքերով՝ իրենք ապրում են մեկ մեծ ընտանիքի նման և միմյանց նկատմամբ ոչ մի բացասական զգացմունքներ չեն տածում: Ռաջոն ևս նշում է, որ իր համար բոլոր ամուսինները հավասար են:
Նախկինում միանգամից մի քանի տղամարդկանց հետ կնոջ ամուսնությունը լայնորեն տարածված էր Հնդկաստանում, սակայն այսօր այդ ավանդույթը շատ քչերն են պահպանում: Հիմնականում նման ամուսնությունները շատ են այն վայրերում, որտեղ տղամարդիկ ավելի շատ են, քան կանայք: Որպես կանոն՝ նման ընտանիքների համար ավելի հեշտ է տնտեսություն վարել:
Ռաջոն նշում է, որ վաղ հասակից հասկացել է, թե իրեն ինչ է սպասվում, քանի որ իր մայրը ամուսնացած է եղել միանգամից երեք եղբայրներների հետ: Նա չի դժգոհում, քանի որ հինգ անգամ ավելի շատ սեր և ուշադրություն է ստանում, քան բազմաթիվ ամուսնացած կանայք:
