Մոլորակի ամենահարուստ մարդկանցից մեկի՝ Ուորեն Բաֆեթի՝ որպես Berkshire Hathaway Inc-ի ղեկավարի աշխատավարձը, 2012-ի տվյալներով, կազմել է 100 հազար դոլար: Այս մասին հայտնում է Vesti-ն:
Հարկ է նշել, որ աշխատավարձի չափը չի փոխվել վերջին 30 տարում: Ըստ այդմ՝ Բաֆեթի ստացած փոխհատուցման ընդհանուր չափը կազմում է 423 923 դոլար, որը մի քանի անգամ քիչ է այլ ընկերությունների ու բանկերի ղեկավարների ստացած «հավելավճարներից»: Դրանից 323 923 դոլարը Բաֆեթը ծախսել է սեփական անվտանգության ապահովման վրա:
Բաժնետերերին ուղղված իր ամենամյա ուղերձում Բաֆեթը հայտարարել է, որ հիասթափված է իր աշխատանքի արդյունքներից:
Չնայած այն բանին, որ 2012-ի տվյալներով՝ հիմնադրամի չափը հասել է 24.1 մլրդ դոլարի, իսկ համախառն (հաշվեկշռային) շահույթը, որը ստացել են բաժնետերերը, ավելացել է 14.4 տոկոսով, Բաֆեթը նման արդյունքները «ծայրաստիճան թույլ» է համարում:
Բաֆեթը նշել է, որ 48 տարում 9-րդ անգամ Berkshire-ի հաշվեկշռային արժեքը եղել է քիչ S&P-ի աճից:
2012-ի տվյալներով՝ S&P-ի ցուցիչն աճել է 16 տոկոսով: Նման արդյունքների հիմնական պատճառը Բաֆեթը համարում է խոշոր գործարքներին ուղղված իր անհաջող փորձերը:
