Թուրքական Haberler.com կայքի փոխանցմամբ՝ հետաձգվել է Իրանի արտգործնախարար Մոհամմադ Ջավադ Զարիֆի այցը Թուրքիա։ Այդ մասին Reuters գործակալությանը հայտնել է Թուրքիայի ԱԳՆ-ի պաշտոնյաներից մեկը, որի անունը չի նշվում։
Նա չի մանրամասնել, թե որն է այցի հետաձգման պատճառը, և թե որքան ժամանակով է հետաձգվել այն։ Այդ այցը պետք է տեղի ունենար այսօր և համարվում էր առանցքային։
Ավելի վաղ հաղորդվել էր, որ Զարիֆը Թուրքիայում հանդիպելու է իր թուրք գործընկեր Մևլյութ Չավուշօղլուին և քննարկելու է ԴԱԻՇ-ի, PKK-ի ու Սիրիայի ճգնաժամի հարցերը։
