SHAMSHYAN.com-ի տեղեկություններով այսօր՝ հուլիսի 31-ին ծեծկռտուք է տեղի ունեցել Գավառ քաղաքում: Ինչպես հայտնում է ֆոտոլրագրող Գագիկ Շամշյանը, Ազատության փողոցում գտնվող «Մալբորո» սուպերմարկետում 4 հոգի վիճաբանել են իրար հետ, ինչից հետո 2 հոգի դանակահարված 2 հոգի էլ մարմնական տարբեր աստիճանի վնասվածքներով տեղափոխվել են Գավառի հիվանդանոց
Shamshyan.com-ի տեղեկություններով վիրավորներից 2-ը օրեր առաջ են Ռուսաստանի Դաշնությունից վերադարձել Հայաստան, իսկ վիճաբանության պատճառը եղել է այն երբ վիճաբանողներից 2-ը խանութում տեղադրված տերմինալով փորձել են լիցքավորում կատարել սակայն մյուս 2-ը փորձել են իրենք էլ լիցքավորում կատարել առանց հերթի, ինչը դարձել է լեզվակռվի, իսկ հետո էլ ծեծկռտուքի պատճառ: Այս պահին ոստիկանության Գեղարքունիքի մարզային վարչության աշխատակիցները մարզի ոստիկանապետ Ադամյանի գլխավորությամբ ձեռնարկում են անհրաժեշտ օպերատիվ գործողություններ դեպքի հանգամանքները պարզելու ուղղությամբ:
Մանրամասները՝ shamshyan.com-ում
