Ժիզել Բունդհենը Փարիզի պլաստիկ վիրաբուժության կլինիկա է գնացել փարանջայով՝ անճանաչելի լինելու համար: Այս մասին գրում է New York Post-ը: Ըստ պարբերականի՝ թոփ մոդելը կրծքի վիրահատություն է արել և ձգել կոպերը:
Նման տարօրինակ տեսքով Ժիզելին տեսել են Փարիզում հուլիսի կեսերին՝ Clinique du Parc Monceau-ի մոտակայքում: Ականատեսների խոսքով՝ ավտոմեքենաներից դուրս են եկել փարանջայով երկու կանայք, ենթադրաբար՝ մոդելը և նրա քույրը՝ Ռաֆայելան:
Կանայք ուշադրություն են գրավել, քանի որ Փարիզում 2010-ից արգելված է փարանջա կրելը: Սակայն Ժիզելին ճանաչել են նրա վարորդի միջոցով, ով արդեն 5 տարի է՝ մոդելի մոտ է աշխատում:
Ըստ պարբերականի՝ Ժիզելի պլաստիկ վւրահատություններն ընդհանուր առմամբ արժեցել են 11 հազար դոլար:
Հաջորդ օրը վարորդը երկու կանանց տարել է հետ Bristol հյուրանոց, այդտեղից էլ՝ հեղինակավոր սպա կենտրոն, որտեղ նրանք 5 օր են անցկացրել:
Անցյալ շաբաթ Ժիզելին և Ռաֆայելային նկատել են Փարիզի Շարլ դը Գոլ օդանավակայանում, որտեղից նրանք վերադարձել են ԱՄՆ: Բունդհենը եղել է մուգ ակնոցով և փակ վերնաշապիկով, այնպես որ՝ վիրահատության հետքերը հնարավոր չի եղել նկատել:
