Apple և Samsung ընկերությունները պատրաստվում են իրենց հեռախոսները զինել էլեկտրոնային SIM-քարտերով, որոնք թույլ կտան փոխել օպերատորին։ Այս մասին հայտնում է Financial Times-ը։
Սովորական SIM-քարտը թույլ չի տալիս փոխել օպերատորին, մինչդեռ ներկառուցված SIM-քարտով բաժանորդի համար հայտնվում է սարքի կարգավորումներում բջջային կապի օպերատորների միջև մանևրելու հնարավորություն։
Էլեկտրոնային SIM-քարտի մշակումը գտնվում է եզրափակիչ փուլում, և շուտով կկայանա կապի նոր չափորոշիչի շնորհանդեսը։
Էլեկտրոնային SIM-քարտերի ներդրումը Apple-ի և Samsung-ի սարքերում սպասվում է 2016 թվականին։
