Իրանում մարդիկ փողոցներում տոնում են պատժամիջոցների չեղարկումը

Իրանի քաղաքներում բազմաթիվ մարդիկ դուրս են եկել փողոցներ՝ տոնելու իրանական միջուկային ծրագրի հարցով վերջնական համապարփակ համաձայնագրի ստորագրումը։

Վիեննայում փաստաթղթի տակ իրենց ստորագրություններն են դրել Իսլամական Հանրապետության և 6 համաշխարհային տերությունների արտգործնախարարները։ Այս մասին հայտնում է TASS գործակալությունը։

Միջուկային համաձայնագիրը նախատեսում է Իրանի հանդեպ պատժամիջոցների չեղարկում, ինչը, միլիոնավոր շարքային իրանցիների կարծիքով, պետք է հանգեցնի երկրում սոցիալ-տնտեսական վիճակի զգալի բարելավման։