News Georgia-ի փոխանցմամբ՝ վրացական «Դելտա» ռազմական գիտատեխնիկական կենտրոնը մշակել է նոր տիպի «Սաեվարի» դիպուկահար հրացան։ Այդ մասին հայտարարել է «Դելտայի» մամլո ծառայության ղեկավար Գիգա Ինաշվիլին։
Զենքը բազմատրամաչափ է, դրա համար կարող են պիտանի լինել հետևյալ զինատեսակների փողերը՝ 308 Winchester, 300 WM, 300 Normal Magnum, 338 LM, 338 GBM, 375 GBM, 50 BMG։ Այն կարող է օգտագործվել ինչպես ռազմական, այնպես էլ մարզական նպատակներով։ «Սատեվարին» հին վրացերեն բառ է, որով անվանվել է սրի տեսակներից մեկը։
Զենքը տարբերվում է կրակոցի ճշգրտության հեռահարության պլանում։ 338 GBM-ի ու 375 GMB-ի տիպի փողերի դեպքում փամփուշտը կարող է հաղթահարել 1800 մետր, 300 Normal Magnum-ի դեպքում՝ 1400 մետր, 338 LM-ի դեպքում՝ 1200 մետր, իսկ ահա 50 BMG-ի դեպքում՝ 2500 մետր։ Ամենափոքր հեռահարությունը 308 Winchester-ի պարագայում է՝ 800 մետր։
«Դելտա» կենտրոնում ընդգծել են, որ «Սատեվարին» ներկայումս փորձարկումներ է անցնում, որոնց ավարտից հետո այն պատրաստ կլինի շահագործման։
