Յելի համալսարանի գիտնականները համոզվել են կապիկների ռացիոնալության հարցում: Այս մասին հայտնում է Frontiers in Psychology ամսագիրը:
Պրիմատները չեն տառապում մարդուն հատուկ մտածողությամբ, թե՝ թանկարժեք իրն էժանից լավն է: Սպառող կապիկներին հետևելիս ամերիկացի գիտնականները համոզվել են, որ մարդանման պրիմատները նման նախապաշարմունք չունեն:
Փորձին ներգրավել են 7 կապուցին կապիկների: Նրանց առաջարկել են տարբեր գույնի ու համի մրգային սառույցի կտորներ: Կապիկները սկզբում սահմանափակված չեն եղել ընտրության հարցում, գիտնականները պարզել են նրանց համային նախընտրությունները: Այնուհետև կենսաբանները պրիմատներին բաժանել են կլորավուն մետաղադրամներ և առաջարկել սնունդ «գնել»՝ սառույցի տարբեր տեսակների համար տարբեր գին նշանակելով: Արդյունքում բոլոր կապիկները «գնել են» ավելի էժանը. նրանք ակնհայտորեն խնայել են մետաղադրամները: Երբ կապուցիններին նորից առաջարկել են սնունդ վերցնել առանց սահմանափակումների, նրանք ընտրել են իրենց «սիրելի» քաղցրավենիքը՝ նույնը, ինչ փորձի առաջին փուլում:
«Այսպիսով՝ պրիմատներն ավելի իռացիոնալ են, քան մարդը, երբ խոսքը ռիսկի գնահատման մասին է: Բայց գների հարցում կապիկներն ավելի ռացիոնալ են եղել, քան մարդիկ»,- ասում է հետազոտության ղեկավար Լորի Սանտոսը:
