Հունաստանը համաձայնել է բարեփոխումների ծրագրին՝ մակրոֆինանսական օգնության ծրագրի երկարաձգման դիմաց, ինչը հնարավորություն կտա ազատվել Աթենքի դեֆոլտի սպառնալիքից: Այս մասին հայտնում է TASS-ը՝ հղում անելով եվրոպացի աղբյուրին:
«Ինստիտուտների հետ Հունաստանի համաձայնությունը ձեռք է բերվել: Փաստաթղթի նախագիծը կպատրաստվի մինչև ամսվա կեսին Եվրախմբի հերթական նիստը»,- ասել է աղբյուրը:
Դա հնարավորություն կտա Եվրախմբի հաջորդ նիստում որոշում ընդունել մակրոֆինանսական օգնության երկրորդ ծրագրի շրջանակներում Հունաստանին մնացած 7.5 մլրդ եվրո օգնության ապաարգելափակման և Հունաստանի աջակցությունը շարունակելու մասին, երբ այդ միջոցները վերջանան:
Եվրախմբի կողմից այդ բոլոր որոշումները պաշտոնապես հաստատվելուց հետո Հունաստանի դեֆոլտի վտանգը կհանվի:
