Ամերիկացի լրագրող Յեն Գալփերինը պատրաստվում է հրապարակել Ուիթնի Հյուսթոնի մահվան և Բոբի Քրիստինա Բրաունի հետ կատարված դժբախտության մասին գիրք: Այս մասին հայտնում է spletnik.ru-ն:
«Ուիթնի և Բոբի Քրիստինա. Փառքի մահացու գինը» կենսագրական վեպում Գալփերինը մտադիր է բացահայտել երգչուհու մահվան պատճառներն ու պատմել Ուիթնիի, Բոբի Բրաունի, Բոբի Քրիստինայի և նրա խորթ եղբոր ու ընկերոջ՝ Նիք Գորդոնի խճճված հարաբերությունների մասին:
Գալփերինի գիրքը հրատարակող հրատարակչության մամլո հաղորդագրության մեջ նշվում է, որ հեղինակին հաջողվել է ներքին տեղեկություն իմանալ Բոբի Քրիստինայի հետ կատարված դժբախտ դեպքի պատճառների մասին:
Ուիթնի Հյուսթոնը և Բոբի Քրիստինա Բրաունը
Հիշեցնենք՝ հունվարի 31-ին Բոբի Քրիստինա Բրաունն անգիտակից վիճակում հայտնաբերվել է իր տանը: Բժիշկները նրան գցել են արհեստական կոմայի մեջ: Ապրիլի վերջին աղջիկը դուրս է եկել կոմայից:
Սակայն բժիշկների խոսքով՝ քիչ հավանական է, որ Բոբի Քրիստինան վերադառնա նորմալ կյանքի:
Ուիթնի Հյուսթոնը մահացել է 2012թ. փետրվարի 11-ին՝ լոսանջելեսյան «Բևերլի Հիլզ» հյուրանոցի իր համարում: Երգչուհին 48 տարեկան էր:
Բոբի Քրիստինա Բրաուն
