Մի քանի օր առաջ մենք դիտել ենք Սեուլում ցուցադրված Chanel -ի հավաքածուի նկարները: Այսօր մենք ունենք այդ արարողության տեսահոլովակը, որտեղ Կառլ Լագերֆելդը խոսում է իր «կորեական հավաքածուի» մասին: Հիշեցնենք, որ ֆրանսիական մոդայի տան ցուցադրությունը տեղի է ունեցել գերժամանակակից Dongdaemun Design Plaza-ում, Սեուլի ամենաֆանտաստիկ շենքերից մեկում, հաղորդում է splentik.ru-ն:
Կառլ Լագերֆելդը պատմում է, որ Chanel ապրանքանիշը շատ երկրպագուներ ունի Կորեայում: Միաժամանակ դիզայները ջանացել է բավարարել միջազգային լսարանի պահանջները՝ նրա հավաքածուում ասիական սովորույթները ստացել են ակտուալ հնչողություն:
Սակայն, հարթակում Chanel-ի ներկայացրածը ավելի շուտ ոչ թե պատմական էքսկուրսիա է, այլ վկայություն` կորեացիների այժմեական մտածելակերպի:
Հիերոգլիֆներն իրենց հերթին ծառայել են որպես ոգեշնչման առանձին աղբյուր: Հենց այդ պատճառով էլ որոշ օրինակներ հիշեցնում են կորեական ձեռագրերը՝ սպիտակ սև ֆոնի վրա:
Ցուցադրությունից հետո դիզայները խոստովանել է, որ ծանոթացել է կորեական փոփ երաժշտությանը, որը հայտնի է որպես K-pop, և ունի միլիոնավոր երկրպագուներ ամբողջ աշխարհում:
