Նախօրեին Գյումրիում տեղի ունեցած դաժան սպանության առթիվ հարուցվել է քրեական գործ՝ ՀՀ քրեական օրենսգրքի 175-րդ հոդվածի՝ ավազակային հարձակում, եւ 104-րդ հոդվածի՝ սպանություն, հատկանիշներով։ Այս մասին «Փաստինֆո»-ին հայտնել են ՀՀ քննչական կոմիտեից:
Ինչպես ավելի վաղ տեղեկացրել էինք, ապրիլի 18-ի երեկոյան Գյումրիում տեղի ունեցած դաժան սպանության զոհ են դարձել երկու կին` մայր ու աղջիկ: Տանը տղամարդ չի եղել, կանայք ապրել են միայնակ:
90-ամյա կինն ու նրա 51-ամյա աղջիկը դանակահարվել են: Վերջինիս մարմնի վրա հայտնաբերվել են դանակով պատճառված բազմաթիվ վնասվածքների հետքեր:
Նախնական վարկածով` սպանության նպատակը եղել է գումարի հափշտակությունը:
