«Երրորդ նախագահը լավ տեսնում է, որ առաջին երկուսը բողոքում են այն պատճառով, որ իրենք այդ համակարգից դուրս են: Իշխանությունից գոհ են միայն նրանք, ովքեր իշխանության մեջ են, հենց դուրս են գալիս իշխանությունից, դժգոհում են այդ իշխանության գործողություններից»,- ասաց ԱԺ ՀՅԴ խմբակցության ղեկավար Արմեն Ռուստամյանը:
Նրա դիտարկմամբ՝ ոչ մի երաշխիք չկա, որ Սերժ Սարգսյանը չի դժգոհելու չորրորդ իշխանությունից:
«Այն սահմանադրական կարգը, որը մենք ուզում ենք փոխել, եթե լավ ուսումնասիրեն՝ կտեսնեն, որ բոլորովին այլ իշխանության մասին է այնտեղ խոսքը գնում: Որևէ մեկը չի կարող ունենալ այն լիազորությունները, ինչ ունի այսօրվա գործող նախագահը»,- անդրադառնալով սահմանադրական փոփոխություններին՝ ասաց Ռուստամյանը
Մեր այն դիտարկմանը, թե հնարավո՞ր է ժողովրդին այսքան տարի կեղեքող իշխանությունը իր լիազորությունները սահմանափակի, Ռուստամյանը պատասխանեց. «Իշխանությունը մի օր հայտնվում է այդ համակարգից դուրս: Մենք ունեցել ենք այդ փորձը՝ երեք նախագահ ենք ունեցել, ինչպե՞ս է պատահում, որ երկու նախագահները երրորդից դժգոհում են՝ այն դեպքում, երբ իրենց համակարգն է սա: Նշանակում է, որ համակարգն է խնդիրը, ոչ թե անձինք: Երրորդ նախագահն էլ հիմա մտածում է, որ եթե չորրորդը գա, միևնույն է՝ պրոբլեմ է ունենալու այդ մարդու հետ, ինչպես Սերժ Սարգսյանն ու Ռոբերտ Քոչարյանն այսօր: Չե՞ք տեսնում, որ Սերժ Սարգսյանը և Ռոբերտ Քոչարյանն իրար հետ խնդիրներ ունեն»,- ասաց Արմեն Ռուստամյանը:
Ավելին՝ տեսանյութում:
