Վաշինգտոնի Զինվորական բողոքարկման դատարանը կին է ճանաչել հետախուզության նախկին շարքային Բրեդլի Մենինգին՝ գրում է The Guardian-ը:
Մեկ տարի առաջ դատարանը նրան թույլատրել էր վերցնել կնոջ անուն՝ Չելսի Էլիզաբեթ, իսկ 1 ամիս առաջ թույլատրել էր անցնել հորմոնալ թերապիայի կուրս՝ սեռափոխության նպատակով:
Այս անգամ դատարանը վճռել է, որ ցանկացած գրագրության մեջ Մենինգի մասին գրելիս հարկավոր է օգտագործել սեռային առումով չեզոք ձևակերպում:
Մենինգը կալանավորվել էր 2010թ. մայիսին՝ Իրաքում ծառայության ժամանակ: Նա խոստովանել էր, որ համագործակցել է Wikileaks կայքի հետ ու փոխանցել Իրաքում ու Աֆղանստանում ԱՄՆ ռազմական գործողություններին վերաբերող մոտ 700 հազար գաղտնի փաստաթուղթ: Դա համարվել է ԱՄՆ պատմության մեև գաղտնի տեղեկատվության խոշորագույն արտահոսքը։
2013թ. օգոստոսին Մենինգը դատապարտվել էր 35 տարվա ազատազրկման ու իր պատիժն է կրում Ֆորտ-Լիվենվորտի (Կանզաս նահանգ) ռազմական բանտում:
Այն մասին, որ նա ցանկանում է ապրել որպես կին ու կրել համապատասխան անուն, Wikileaks-ի 26-ամյա ինֆորմատորը հայտարարել է բանտում հայտնվելուց հետո:
