Միչիգանի համալսարանի գիտնականները պարզել են, որ մարդիկ կարող են սովորել միայն վերամշակված մթերքներին, օրինակ՝ շոկոլադին, պիցային կամ կարտոֆիլի ֆրիին: Այս մթերքները, ինչպես և ծանր թմրանյութերը, խթանում են պարգևի հետ կապված ուղեղի մասը: Վնասակաև սնունդը նույնիսկ կարող է փոփոխել մարդու ուղեղը, փոխանցում է The Daily Mail-ը:
Նախկին ուսումնասիրությունները, որոնք անցկացվել են կենդանիների վրա, ցույց են տվել, որ մշակված սննդամթերքները կախվածություն են առաջացնում: Գիտնականների նոր ուսումնասիրությունը ցույց է տվել, որ որոշ մարդկանց մոտ սննդի նկատմամբ հակումը համապատասխանում է հոգեմետ նյութերից կախվածության չափանիշներին:
Սննդային կախվածության ախտանիշներով մասնակիցները թուլություն են ցուցաբերել վերամշակված սննդամթերքների հանդեպ: Մասնագետները ենթադրում են, որ այդ մարդիկ հատկապես զգայուն են ուղեղի՝ պարգևների համար պատասխանատու մասի խթանումների նկատմամբ: Չվերամշակված սննդամթերքները, պարզվում է, կախվածություն չեն առաջացնում:
