Այսօր մեկնարկեց Գիտության և տեխնոլոգիաների ձեռնարկության ծրագրի (STEP) Վենչուրային կոնֆերանսը, որտեղ եզրափակիչ փուլ անցած 15 երիտասարդ ժյուրիին էին ներկայացնում իրենց ներդրումային ծրագրերը, որոնք մշակվել են հայ նորարար թիմերի կողմից՝ «Գաղափարներ դեպի շուկա» դրամաշնորհային շրագրի շրջանակներում: Եզրափակիչ փուլում հաղթելու է 5 մասնակից, որոնց տրամադրվելու է 15 հազար ԱՄՆ դոլարի չափով դրամաշնորհ ԱՄՆ-ից և ՀՀ կառավարության կողմից:
Ծրագրի պատասխանատու Մարի Բարսեղյանի խոսքով՝ այս ծրագրի նպատակն է խթանել նորարարությունը Հայաստանում: «Բացի դրանից՝ այս փուլում նրանք այնքան են աճում, որ կարողանում են դիմել արդեն այլ ծրագրերի և նոր ասպարեզներ դուրս գալ, դիմել այլ դրամաշնորհային մրցույթների»,- ասաց նա:
Ծրագրի մասնակից FamBox ինտերակտիվ սոցիալական ֆիլմերի պլատֆորմի հեղինակ Մանեն ուրախությամբ է արձանագրում, որ Հայաստանում այսօր ստեղծվել է հրաշալի IT ոլորտ, որտեղ կարելի է ամեն րոպե նոր գաղափարներ ներկայացնել և իրագործել: Կոնկրետ նրանց հավելվածը հնարավորթյուն է տալիս աշխարհի տարբեր հատվածներում գտնվող ընկերոջ կամ բարեկամի հետ միաժամանակ ֆիլմ դիտել, զրուցել միմյանց հետ, տեսնել, նույն պահին ընդհատել ֆիլմը և նորից շարունակել: Բացի դրանից՝ հավելվածը թույլ է տալիս շփվել, ինֆորմացիա հավաքել տարբեր ֆիլմերի, հաղորդումների մասին և այլն: «Սա ամեն ինչ է ֆիլմերի մասին մեկ հարթակում»,- ասաց Մանեն:
Առավել մանրամասն՝ տեսանյութում:
