Բրիտանացի նկարիչը ֆրանսիական անտառներից մեկը զարդարել է խորհրդավոր արձանիկներով, որոնք հիշեցնում են հեքիաթների թակարդներ, գրում է kulturologia.ru կայքը: Այս յուրօրինակ արթ-նախագծի իրականացման համար հեղինակից պահանջվել է 12 ամիս: Բացառապես բնական նյութերից պատրաստված խորհրդավոր շրջանները, հմայիլները և թունելները սովորական անտառը վերածել են հեքիաթային վայրի:
Քանդակագործ և նկարիչ Սփենսեր Բայլսի անտառում կարելի է գտնել անսպասելի թունելներ և հմայիլներ, որոնք կարծես պատրաստած լինեն բնության ինչ-որ խորհրդավոր ուժերի կողմից: Իրականում այդ բոլորը քանդակագործի 1 տարվա մանրակրկիտ աշխատանքի արդյունքն է: Բոլոր արձանիկները Սփենսերը ստեղծել է՝ օգտագործելով բացառապես բնական նյութ, որը կարել է գտնել շրջապատում: Արդյունքում ստացվել է իսկապես հետաքրքիր ցուցադրություն, որը դիտողին փոխադրում է գաղտնիքներով և հրաշքներով լի հեքիաթային աշխարհ:
