Բելգիայի իշխանությունները հանդես են գալիս կարտոֆիլի ֆրին ՅՈԻՆԵՍԿՕ-ի մշակութային ժառանգությունների ցանկում ընդգրկելու օգտին: Այս մասին հայտնում է Agence France Press-ը:
Բելգիայի ֆրանսալեզու և գերմանալեզու շրջանների իշխանությունները, Ֆլանդրիայի իշխանությունները կարտոֆիլի ֆրին ՅՈՒՆԵՍԿՕ-ի մշակութային ժառանգություն հռչակելու նպատակով հատուկ կայք են ստեղծել, որում բոլոր ցանկացողները կարող են խնդրագիր ստորագրել ֆրանսիական և մեքսիկական խոհանոցի ուտեստների կողքին դնելու համար, որոնք արդեն կան ՅՈՒՆԵՍԿՕ-ի ցանկում:
Բելգիայի իշխանությունների հայտարարությունը հնչել է «Կարտոֆիլի ֆրիի շաբաթ» տոնի պատրաստության ֆոնին, որը կանցկացվի դեկտեմբերի 1-7-ը: Այդ ամբողջ ընթացքում այսպես կոչված՝ «ֆրիտրիները», այսինքն՝ կարտոֆիլի ֆրի պատրաստող հաստատությունները, անվճար կհյուրասիրեն այցելուներին:
Ֆլամանդացիները պնդում են, որ կարտոֆիլի ֆրին, որը սկսել են անվանել «ֆրանսիական կարտոֆիլ», իրենց ազգային ուտեստն է և առաջին անգամ մատուցվել է Ֆլանդրիայում դեռևս XVI դարում:
