Իրավապաշտպանների Freekorea.us կայքում հրապարակվել է Հս. Կորեայի տարածքում քաղբանտարկյալների ճամբարների մասին տեղեկատվությունը։ Իրավապաշտպանները հաստատում են, որ խոսքը քաղաքների և գյուղերի անվան տակ քողարկված համկենտրոնացման ճամբարների մասն է։
Ինչպես նշում է РГ-ն, իրավապաշտպան ակտիվիստները Google-ի քարտեզների արբանյակային նկարահանումների միջոցով հետազոտել են ԿԺԴՀ-ի տարածքը և հայտնաբերել կալանավայրերի դարբասներ, պահակազորի բնակատեղիներ և կալանավորների համար նախատեսված գերեզմանոցներ։ Ըստ իրավապաշտպանների՝ ԿԺԴՀ-ում կան մի քանի տասնյակ համակենտրոնացման ճամբարներ, որոնցում պահվում են ավելի քան 250 000 կալանավորներ։
Այդ տեղեկությունները մասնակիորեն հաստատում են նախին կալանավորները։
Росбалт-ը գրում է, որ հունվարի 9-ին Google-ի տնօրենների խորհրդի նախագահ Էրիկ Շմիդտը մասնավոր այցով գտնվել է ԿԺԴՀ-ում, նա հորդորել է իշխանություններին, որ համացանցը հասանելի դարձնեն ազգաբանկչությանը։
Հս. Կորեայում սովորական քաղաքացիները համացանցից օտվելու իրավունք չունեն, այն թուլատրելի է միայն քաղաքական վերնախավին և որոշ գիտնականների, սակայն՝ որոշակի սահմանափակումներով։
Շմիդտի հետ ԿԺԴՀ ժամանած Նյու Մեքսիկոյի նախկին նահանգապետ Բիլ Ռիչարդսոնը իշխանություններին կոչ է արել զերծ մնալ հրթիռների արձակումներից և մարդկայնորեն վերաբերվել կորեական բանտերում պահվող կալանավորներին։
