Ջեսիկա Ջեսթեյնն իր վերջին հարցազրույցներից մեկում պատմել է դերասանի մասնագիտության նկատմամբ իր վերաբերմունքի մասին, որը ուղղակի կերպով ազդել է դերասանուհու անձնական կյանքի վրա, գրում է Spletnik.ru-ն:
Կինոաստղը բացատրել է, որ նա ոչ թե իր մասնագիտության միջոցով ձեռք բերված փառքն է ավելի կարևորում, այլ իր մասնագիտության մեջ լավագույնը լինելու ձգտումը:
«Ես կարծես մոխրագույն կարդինալ լինեմ՝ նախընտրում եմ ստվերում մնալ: Ես սովորաբար խուսափում եմ այն տեղերից, ոտեղ ինձ կարող են լուսանկարել: Ես ինքս ինձ կինոաստղ չեմ համարում, ես առաջին հերթին դերասանուհի եմ»,- ասել է նա:
Իր անձնական կյանքի մասին նույնպես Չեսթեյնը շատ չի խոսում:
«Եթե ցանկանում եք հայտնի լինել, ապա պետք է հանդիպեք հայտնիների հետ: Սակայն փառքն ու հայտնի լինելն իմ կյանքի այն մասը չեն, որոնք հիացնում են ինձ»:
Ինչպես հայտնի է, 2012թ. սկսած Ջեսիկան հանդիպում է իտալացի դիզայներ Ժան Լուկա Պասսի դե Պրեպոսուլոյի հետ: Դա զարմանալի չէ, քանի որ Ժան Լուկան շատ համակրելի տղամարդ է, և բացի դրանից, Ջեսիկան սկզբունքորեն չի ցանկանում հանդիպել իր գործընկերներից մեկի հետ:
«Ես կարծում եմ, որ իմ ընկերը պետք է որոշ պատկերացումներ ունենա իմ մասնագիտության յուրահատկությունների մասին: Ես ի նկատի ունեմ, որ շուտով, օրինակ, մեկնելու եմ Հյուսիսային Իռլանդիա նկարահանումների, որտեղ համբուրվելու եմ Քոլին Ֆարելի հետ, այնպես որ իմ ընկերը պետք է բացարձակ ինքնավստահ լինի և նման դեպքերից չանհանգստանա»,- անկեղծացել է դերասանուհին:
