Իսպանացի տաղանդավոր նկարչի աշխատանքները գունավոր գրաֆիտի են՝ խայտաբղետ թթվային գույներով, երկրաչափական տարրերով և անսպասելի ոճային համադրություններով: Ֆելիպե Պանտոնեն իսպանացի նկարիչ է և Վալենսիայում սթրիթ-արթ մշակույթի ներկայացուցիչ, հայտնում է kulturologia.ru-ն:
Ֆելիպեն գրաֆիտիով հետաքրքրվել է 12 տարեկանում: Նկարիչն առաջին անգամ հայտնի է դարձել որպես հայտնի D.O.C.S. (Doing Only Crooked Shit) թիմի անդամ:
Իր առաջին աշխատանքները Պանտոնեն թողել է Վալենսիայի քաղաքային շինությունների պատերին: Նրա յուրահատուկ աշխատանքները հետաքրքրել են եվրոպական Ultra Boyz հայտնի գրաֆիթի-րայթեր խմբի ներկայացուցիչներին, որի անդամն է դարձել հետո Պանտոնեն:
