Մենք բոլորս մեր կյանքում այնպիսի բաներ ենք անում, որոնց համար հետագայում զղջում ենք, իսկ երբեմն իրադրությունը դուրս է գալիս վերահսկողությունից: Երբ մենք հայտնի ենք, ապա իրավիճակը նույնն է լինում, միայն թե այդ մասին տեղեկանում է ամբողջ աշխարհը: Հայտնիներ կան, ովքեր արկածներ չեն փնտրում, սակայն կան այնպիսինները, ովքեր անընդհատ արկածների մեջ են հայտնվում: Bugaga.ru-ն ներկայացնում է 10 հայտնի անձանց ցուցակը, որոնց վռնդել են հասարակական վայրերից:
10. Ռեփեր Game
Երբ ռեփեր Ջեյսոն Թերրելլա Թեյլորը, որը հայտնի է նաև Ռեփեր Game անունով, Փասադենա քաղաքի Houston’s հաստատությունում փորձել է իր համար լանչ պատվիրել, նրան խնդրել են լքել ռեստորանը: Ռեստորանում խիստ դրես-կոդ է սահմանված եղել, սակայն ռեփերը միայն վերնաշապիկով է ներկայացել: Ռեփեր Game-ը հավանաբար գրել է Twitter-ում, որ իրեն ռեստորանում չեն սպասարկել ռասիզմի պատճառով:
9. Արետա Ֆրանկլին
Ամեն ինչ տեղի է ունեցել այն ժամանակ, երբ Արետան այցելել է Նիագարայի ջրվեժի Johnny Rockets ճաշարանների ցանցի հաստատություններից մեկը: Հաղորդագրության համաձայն՝ նա չիզբուրգեր է պատվիրել, որպեսզի տանի հետը, սակայն չի դիմացել և նստել է մոտակա սեղանի մոտ: Հենց այդ պահին էլ ճաշարանի աշխատակիցը սկսել է բղավել նրա վրա և ասել, որ նա իրավունք չուներ նստել սեղանի մոտ: Արետան լրագրողներին պատմել է, որ «աշխատակիցը շատ կոպիտ, ոչ պրոֆեսիոնալ և զզվելի է եղել»: Աշխատակցին հեռացրել են աշխատանքից:
8. Վինս Նիլ
Որոշ աղբյուրների համաձայն՝ Վինս Նիլին խնդրել են լքել Լաս-Վեգասի Palms Hotel and Casino-ն: Twitter-ում նա գրել է, որ հյուրանոցում նրան վատ են վերաբերվել և իր բաժանորդներին կոչ է արել չայցելել այդ հաստատությունը: Սակայն կազինոն իր հերթին հայտնել է, որ Նիլն ինքն է տհաճ իրավիճակի պատճառ դարձել, որի պատճառով էլ նրան խնդրել են հեռանալ:
7. Ջասթին Բիբեր
Ջասթին Բիբերը դեր 21 տարեկան է, սակայն նրան բազմիցս վռնդել են բարերից անչափահաս տարիքում սպիրտային խմիչքներ օգտագործելու համար: Ջասթինին վռնդել են նաև Փարիզի և Բուենոս-Այրեսի հյուրանոցներից այն պատճառով, որ նրա երկրպագուներն այնտեղ անկարգություններ են սարքել: Ջասթինը Վատիկանում նույնպես իրեն վատ է պահել, որտեղ շորտով և վերնաշապիկով գնդակ է խաղացել:
6. Ամանդա Բայնս
Ամանդան իր կարիերան վաղ տարիքում է սկսել և ավելի շատ գումար է հավաքել, քան նրան հարկավոր է: Հաղորդագրությունների համաձայն՝ մի քանի սպորտային ակումբներ նրան խնդրել են հեռանալ վատ վարքի պատճառով: Բոլորովին վերջերս նրան վռնդել են Planet Fitness-ից, որտեղ նա հայտնվել է մարիխուանա ծխելիս:
5. Փերիս Հիլթոն
ԶԼՄ-ների տվյալներով՝ Փերիս Հիլթոնին արգելված է հայտնվել է Wynn Las Vegas and Encore հյուրանոցում: Հյուրանոցում գտնվելիս նա ցանկացել է իր պայուսակից շրթներկ հանել, սակայն այնտեղից կոկաինի մի փոքր փաթեթ է ընկել:
4. «Մամֆորդ և որդիներ»
Տվյալների համաձայն՝ «Մամֆորդ և որդիներ» խումբը Ատլանտայում համերգից հետո որոշել է Clermont Lounge այցելել, որը տարածքում հայտնի սթրիփ-ակումբ է: Վոկալիստը որոշել է ելույթ ունենալ բեմում, իսկ խմբի մնացած անդամները հեռախոսով նկարահանել են այն: Նրանց խնդրել են պահել հեռախոսները: Ի պատասխան՝ նրանք սկսել են ակումբում անկարգություններ անել: Արդյունքում ամբողջ խմբին վռնդել են ակումբից:
3. Նիկի Մինաժ
Նիկի Մինաժը Լոնդոնում կանգ է առել Դորչեստերում, իսկ նրա երկրպագուները հետևել են նրան: Երկրպագուները Dorchester Hotel-ի պատերին գրաֆիտիներ են արել: Ընդ որում՝ գրաֆիտիները չափազանց շատ են եղել դրանք փոխհատուցելու համար: Ավելի ուշ նրան խնդրել են լքել հյուրանոցը՝ ասելով, որ նրա երկրպագուները չափազանց անհանգիստ են:
2. Ջեյմի Քենդի
Իր ելույթից հետո Ջեյմի Քենդին որոշել է այցելել Yard House հաստատությունը: Այնտեղ էլ նա կոպտել է մատուցողին և իրեն վատ է պահել: Հենց այդ ժամանակ էլ նրան խնդրել են լքել հաստատությունը: Սակայն այն, ինչ տեղի է ունեցել դրանից հետո, ուղղակի անհավանական է: Երբ նա դուրս է քայլել, մի մեքենա մեծ արագությամբ շրջվել է փողոցում հենց նրա դիմաց: Բարից հենց նոր վռնդված Ջեյմին կարող էր ուշադրություն չդարձնել և շարունակել ճանապարհը, սակայն նա օգնել է մեքենայում գտնվող մարդկանց դուրս գալ թակարդից: Ականատեսներից մեկը հասցրել է տեսագրել այդ ամենը, իսկ երբ շտապ օգնությունը ժամանել է, Քենդին արդեն այնտեղ չի եղել:
1. Մադոննա
ԶԼՄ-ները հաղորդում են, որ Մադոննան ներկա է եղել Alamo Movie Theater-ում «Հարյուր տարվա ստրկություն» ֆիլմի պրեմիերային: Նա ամբողջ ժամանակ հաղորդագրություններ է ուղարկել իր հեռախոսից, և նրան բազմիցս նախազգուշացրել են դադարեցնել դա: Երբ երգչուհին հրաժարվել է, նրան խնդրել են հեռանալ:
