Վատիկանի առաքելական գրադարանը թվայնացնում է իր արժեքավոր հնագույն կրոնական ձեռագրերը և դրանց առցանց հասանելիություն տրամադրում իր կայքի միջոցով: Հասանելիությունը կլինի անվճար: Դրամահավաք է անցկացվում՝ օգնելու գրադարանին՝ ավարտին հասցնել աշխատանքը: Այս մասին հայտնում է International Business Times-ը:
Վատիկանի գրադարանը հիմնադրվել է 1451 թվականին և պարունակում ավելի քան 80 հազար ձեռագրեր, տպագիր գրքեր, նկարներ, սալիկներ և սկզբնաղբյուրներ:
Գրադարանը նաև նամակներ է պարունակում կարևոր պատմական ֆիգուրներից, նկարներ ու գրառումեր այնպիսի նկարիչներից ու գիտնականներից, ինչպիսիք են Միքելանջելոն և Գալիլեոն, նաև դաշնագրեր պատմական բոլոր դարաշրջաններից:
76 հազար ձեռագիր դեռևս թվայնացման կարիք ունի: Աշխատանքները կտևեն ավել քան 15 տարի, կարժենան ավելի քան 50 մլն եվրո:
