ՀՀԿ ԳՄ նիստից առաջ վարչապետ Հովիկ Աբրահամյանն անդրադարձավ երեկ իր հնչեցրած «Մարտի մե՞կ եք ուզում» արտահայտությանը: Նա ասաց, թե ինչ է նկատի ունեցել։
«Ես իմ մտահոգությունն եմ հայտնել, որ նման ձևաչափը, երբ գնում են միտինգների, մարդկանց սկսում են հայհոյել, լարվածություն է ստեղծվում: Իմ մտահոգությունն է, որ մարդիկ նորմալ, ցիվիլ ձևով գնան, իրենց խնդիրները ներկայացնեն, միտինգ անեն: Դա է եղել իմ մտահոգությունը:
Ընդհակառակը, մենք ամեն ինչ անում ենք, որ նման դեպք չիրականանա մեր երկրում, դա մեզ համար ցավալի է, ուղղակի այդ վերաբերմունքը, որ մենք առաջարկում ենք՝ եկեք միասին քննարկենք, ժողովորդի առջև ծառացած խնդիրների մասին բարձրաձայնենք, ժողովուրդը մեզ ընտրել է, որ գնանք իրենց մատից փուշ հանենք, ոչ թե գնանք անձնական հարցեր լուծենք, դեռ երկու-երեք տարի կա ընտրություններին, սկսենք ինչ-որ զբաղվել քաղաքականությամբ»,- ասաց նա՝ հավելելով, որ իր և կառավարության դիրքորոշումն է բոլոր քաղաքական ուժերի հետ աշխատել մասին խնդիրները լուծել:
