Մեքսիկայի գերեզմանատներից մեկում իրականացրած պեղումների ժամանակ հայտնաբերվել են «Օտարը» ֆիլմի կերպարներին հիշեցնող կմախքներ: Դա առաջին նմանատիպ հայտնագործությունն է տարածաշրջանում:
Հետաքրքիր գտածոները հայտնաբերվել են Օնավաս գյուղի մոտ՝ մեքսիկական Սոնորա նահանգում,- հաղորդում է Daily Mail-ը:
Գերեզմանաթմբում, որը, հնագետների գնահատմամբ, 1000 տարեկան է, եղել է 25 մարդու մնացորդներ, որոնցից 13-ի կմախքները ուժեղ ձևախեղված են եղել:
«Կմախքների դեֆորմացիան մեզոամերիկյան մշակույթում կիրառվում էր մարդկանց սոցիալական խմբերի բաժանելու համար, որոնք անհրաժեշտ էին ծիսական արարողությունների ժամանակ»,- հայտարարել է գիտահետազոտական ծրագրի հնագետ Քրիստինա Գարսիա Մորենոն:
Ինչ վերաբերում է ատամների վնասմանը, ապա դա իրականացվում էր դեռահասներին օծելու արարողության ժամանակ:
Բացի այդ, գերեզմանաթմբում հայտանբերվել են ապարանջաններ, քթի օղեր, ինչպես նաև խեցենման ականջօղեր:
Սակայն հնագետները չեն կարողանում բացատրել, թե հուղարկավորվածներից ինչու ոչ բոլորն են զարդեր ունեցել, և ինչու է 25-ից միայն մեկը կին եղել:
Հաղոդվում է, որ նման գերեզմանաթմբեր նախկինում հայտնաբերվում էին ոչ միայն Մեքսիկայում, այլ նաև ԱՄՆ-ի հարավ-արևմուտքում:
